Live your dreams

aendlich acho in ghana! s erschte woni us em flugi usgschtiege bin, isch en riise hitzewaelle gsi. ich liebe ja d'waermi aber es brucht wuerkli en igwoehnigsziit a die tropischi hitz. t-shirts muessi so alli 4 h waechsle, aber zum glueck hani ja gnueg ipackt :-) s'naechst waer de kulturschock. s'laebe da isch eifach voellig anderst, ueberhaupt nueme mit europa verglichbar! d'maensche strahlet en unglaublichi laebensfreud us. wenn mer dur d'strasse lauft springet chind uf eim zue und winket bis mer zrugwinkt. au wenn das scho immer min traum gsi isch, isch es nid ganz eifach da z'laebe. aber ich han bereits nachem huetige tag gmerkt dass es die bescht entscheidig gsi isch de schritt i die anderi waelt z'mache. nur scho i einere minute choemet soviel idrueck dass ich maengsich mueh han die z'verarbeite. oepis was ich nachem huetige tag scho gmerkt han. d'maensche in ghana sind sehr stolzi luet und haend egal oeb riich oder arm 2 grundlaebensistellig : there is no hurry in life und es gluecklichs laebe isch das wo du drus machsch.
bis bald!